Коронавирус: Қытайда ауырғандардың 90 пайызы жазылған

Қытайда коронавирус жұқтырған науқастардың 90%-ы ауруынан айықты. Бұл туралы РИА Новости хабарлады.

Қазір Қытайда 5120 адам науқастанып жатыр. Соңғы деректерге сүйенсек, Қытайда жалпы коронавирусқа шалдыққандар саны 81 мың адамға жетті. Оның 72,7 мыңы ауруханадан жазылып шыққан. Ауру ошағына алған Хубэйде 67800 адам вирус жұқтырды, оның 3153-і қайтыс болды. Өлім-жітім деңгейі 4,65 пайызды құрады. Бұдан бөлек, Шанхай билігі COVID-19 вирусына байланысты жарияланған Төтенше жағдайдың ең жоғарғы деңгейін төмендетті. Айта кетейік, Қазақстанда коронавирус жұқтырғандар саны 60 адамға жетті. Оның ішінде Нұр-Сұлтанда – 31, Алматыда – 25, Қарағандыда – 2, Алматы облысында - 1 және Ақтөбе облысында 1 жағдай тіркелді.