Қазір ағайын-туыс аралайтын, көршіге баратын, қыдыратын, қал сұрасатын кез емес. Қарым-қатынастың бәрін ОНЛАЙНға көшіру керек. Өкінішке қарай, қауіптің деңгейін әлі шамалай алмай отырмыз. Жүз мыңдаған, миллиондаған аудиториясы бар блогерлер, белгілі адамдар өздері бастап үлгі болып, жұртқа да мұның маңызды екенін жеткізуі керек. Осы бір айдың ішінде ауыздықтай алмасақ, мүлдем ие бола алмайтынымызды түсіну керек.
Экономикасы дамыған, қоғамдық санасы дамыған, медицинасы дамыған Еуропаның өзі ие бола алмай отыр. Оның жанында біз кімбіз?! Медицинамыздың жағдайы белгілі. Сондықтан осы дерттің таралмауына әрқайсымыз үлес қосайық!
"Тақай бермеңдерші, түк те болмайды" деп қыдырыстап жүргендерге; көршілерімен күнде жиын, күнде той жасап жүргендерге; "подружкама барып келейін, досыма соғып келейін" дейтіндерге; "біз келе жатырмыз, үйдесіңдер ма?" дейтіндерге мұның надандық екенін түсіндіріп айтсаңыздар. Содан қайтып көрмей кетсе көрмей кетсін, келемін дегендерге бірден "КЕЛМЕ, ҮЙІҢДЕ ОТЫР!" деп айту керек.
ЖҰЛДЫЗ ӘБДІЛДӘ: Дерттің таралмауына әрқайсымыз үлес қосайық!
20.03.2020
2353
Пікірлер
