Грузия қоршаған ортаны қорғау және ауыл шаруашылығы министрінің орынбасары Юрий Нозадзеден коронавирус анықталды, - деп хабарлайды РИА Новости.
Ведомство мәліметі бойынша, өткен аптада Нозадзе отбасының мүшесінен коронавирус табылған, кейін министр орынбасары өз-өзін оқшаулаған. Ең бірінші алынған сынамадан коронавирус анықталмаған. Бір аптадан кейінгі сынамада Нозадзеден коронавирус табылып отыр.
Қазір Грузияда 23 адамның вирус жұқтырғаны белгілі. Грузиялық шенеуніктерден экономика және тұрақты даму министрінің орынбасары Геннадий Арвеладзе мен парламентте аграрлық мәселелер комитетінің төрағасы Отар Данелия өз-өзін оқшаулаған.