ҰҚК Алматыда деструктив діни ағымын ұстанатын екі адамды ұстады,- деп хабарлайды Tengrinews.kz тілшісі комитеттің сайтына сілтеме жасап.
"2020 жылғы 14 ақпанда Қазақстан Республикасы ҰҚК жедел-іздестіру іс-шараларын ұйымдастыру нәтижесінде Алматы қаласында деструктив діни ағымның 2 ұстанушысын ұстап, сот санкциясымен қамауға алды.
Комитет мәліметінше, оларға қатысты терроризм актісіне дайындалу (ҚР Қылмыстық кодексінің 255-бабы) және терроризмді насихаттау (ҚР Қылмыстық кодексінің 256-бабы) фактілері бойынша қылмыстық істер қозғалды.
Тергеу материалдары бойынша, қамауға алынғандар республика аумағында, соның ішінде адамдар көп шоғырланған орындарда террористік актілер дайындаған.
ҰҚК мәліметінше, тергеу жалғасып жатыр.
