Қазақстанның тұңғыш баспасөз және бұқаралық ақпарат министрі Қуаныш Сұлтанов мемлекеттік наградамен марапатталды. Бұл туралы бүгін Ақорданың баспасөз қызметі жазды, деп хабарлайды «Адырна» тілшісі.
«Президент Қасым-Жомарт Тоқаевтың Жарлығымен мемлекеттік және қоғамдық қызметтегі айрықша еңбегі үшін Қуаныш Сұлтанұлы Сұлтанов «Отан» орденімен наградталды»,—делінген хабарламада.
Айта кетейік, бүгін Қуаныш Сұлтанов 80 жасқа толып отыр. Ол — "Қарлығаштар", "Жастардың аяқ алысы", "Қазақстан комсомолы", "Уақытпен бетпе-бет". "Қазақстан-Қытай: тарих және қазіргі заман", "Қазақстан-Қытай: құжаттар мен материалдар жинағы", "Алыптың оянуы (қытай реформасы туралы очерктер)" кітаптарының авторы.
1991-1993 жылдары баспасөз және бұқаралық ақпарат министрі, кейін премьер-министрдің орынбасары, Қазақстанның Қытай, Солтүстік Корея, Вьетнам және Моңғолиядағы елшісі қызметтерін атқарды. Мәжіліс және Сенат депутаты болды.
