Бүгінгі өткен сот отырысында Шерзат Полаттың қаза табуына байланысты тың мәліметтер жарияланды, деп хабарлайды “Адырна” ұлттық порталы.
Прокурордың мәліметінше, оқиға орнында болған төбелес кезінде күдіктілердің бірі дүкен ішінен шыққан Шерзаттың әкесі Қаржаубай Нұрымовты әйнек бөтелкемен беттен ұрған. Одан бөлек, Азамат Тоқтаубаев Нұрымовтың желке тұсынан белгісіз таспен соққы жасағаны айтылды.
Сотта айтылған тағы бір жантүршігерлік жайт — Шерзаттың әжесі “Қамажай” дүкеніне бара жатқанда, алдынан шыққан Шынасыл есімді азамат оны итеріп жіберіп, арыққа құлатқан. Ал жолда отырған Шерзатқа жетпек болған анасын Ілияс пен Шынасыл тоқтатып, екі білегінен ұстап, өткізбей қойған. Анасының білектерінде көгерген іздер қалғаны сот-медициналық сараптамамен дәлелденген.
