2025 jylǵy 17 sáýirde Talǵar qalasynda 16 jastaǵy Sherzat Polatty óltirý isi boıynsha basty sot otyrysy bastaldy, dep habarlaıdy “Adyrna” ulttyq portaly.
Rezonans týdyrǵan is Taldyqorǵanda qaralýda. Bastapqyda sot otyrysy saǵat 10:00-de bastalýy tıis bolǵan, alaıda bir taraptyń advokaty keshigip kelýine baılanysty otyrys 30 mınýttan astam ýaqytqa keshiktirildi.
Sot tóraǵasy barlyq qatysýshylardy sotqa ýaqytyly kelýge shaqyryp, advokatqa eskertý jasady. Eger mundaı jaǵdaı taǵy qaıtalansa, ony sotty qurmettemeý baby boıynsha jaýapkershilikke tartatynyn aıtty.
Joǵarǵy sot bul istiń onlaın-translıaııasyn uıymdastyrǵan.
Eske sala keteıik, 2024 jyldyń 4 qazanynda Talǵar qalasynda ornalasqan “Qamajaı” dúkeninde túngi ýaqytta janjal shyǵyp, tóbeleske ulasqan. Oqıǵa saldarynan eki adam aýdandyq aýrýhanaǵa jetkizilip, onyń biri – Sherzat Polat alǵan jaraqattarynan reanımaııa bóliminde kóz jumǵan.
Atalǵan is boıynsha 9 adam sot aldynda jaýap berýde. Aldyn ala tyńdaýda prokýror aıyptaý aktisin jarııalap, oqıǵanyń egjeı-tegjeıin baıandaǵan.
Sot proesiniń ashyqtyǵyn qamtamasyz etý maqsatynda barlyq otyrystar onlaın kórsetiledi.
