Америкалық конгресс мүшесі, демократиялық партия өкілі Эл Грин АҚШ президенті Дональд Трампқа импичмент жариялау жоспарын білдірді, деп хабарлайды "Адырна" ұлттық порталы.
Бұл туралы Конгрессмен 2025 жылдың 5 сәуірінде өткен демонстрация кезінде айтты, деп жазады The Hill.
«30 күн ішінде мен АҚШ Президенті Дональд Трампқа қарсы импичмент процесін бастауға ниеттімін», – деді Грин.
Ол сөз барысында америкалық көшбасшыны библиялық Голиафпен салыстырып, өзін Давид ретінде атады. Ол АҚШ президентіне әділет пен халықты басқару мәселелерінде сенім артылмауы керектігін атап өтті.
АҚШ-та Трамптың саясаты мен импорттық баж салығын енгізуге қарсы ірі демонстрациялар басталды.
The Guardian газетінің мәліметінше, наразылықты тудырған себептердің бірі – кәсіпкер әрі АҚШ мемлекеттік тиімділік департаментінің (DOGE) басшысы Илон Масктың саясаты, денсаулық сақтау шығындарының қысқаруы, экология мен ұлттық парктерді қолдауға арналған шаралардың азаюы.
