Оңтүстік Кореяда бұрынғы президент Юн Сок Ёльді қолдаушылар митинг өткізіп жатыр, деп хабарлайды “Адырна” ұлттық порталы Yonhap агеттігіне сілтеме жасап.
Сеул қаласында наразылық танытушылар импичмент туралы шешіммен келіспейтіндерін білдіріп, саясаткерді ел басшысы қызметіне қайтаруды талап етуде.
“Конституциялық сот шешім шығарғаннан кейінгі келесі күні Сеул орталығындағы Кванхвамун алаңына мыңдаған консервативті топ өкілдері жиналды. Полицияның бағалауынша, сенбі күні өткен наразылық шарасына шамамен 18 мың адам қатысқан”, – делінген агенттік хабарламасында.
Айта кетейік, Оңтүстік Кореяның Конституциялық соты президентке импичмент жариялау шешімін 4 сәуірде мақұлдаған болатын. Осылайша Юн Сок Ёль қызметінен ресми түрде шеттетілді. Президент сайлауы 60 күн ішінде өтуі тиіс. Ол 2025 жылдың 3 маусымына жоспарланып отыр.
