Мьянмада болған жойқын жер сілкінісінен қаза тапқандар саны 1002-ге жетті, ал 2376 адам жарақат алды, деп хабарлайды “Адырна” ұлттық порталы BBC-ге сілтеп.
Құтқарушылар үйінділерді астында құрбандар саны арта түсуі мүмкін екенін айтады. Қытай, Үндістан және Ресей Мьянмаға медициналық және құтқару топтарын жіберді.
28 наурызда жергілікті уақыт бойынша түстен кейін магнитудасы 7,7 және 6,4 балдық екі жер сілкінісі тіркелді. Жер асты дүмпулері Қытай мен Таиландта да сезілген. Бангкокта аяқталмаған ғимарат құлап, бірнеше ондаған адам үйінді астында қалуы мүмкін деген болжам жасалды.
Мьянма билігі табиғи апат салдарынан елде төтенше жағдай жариялады.
