Талғарлда кісі қолынан қаза тапқан Шерзат полаттың өліміне қатысты қылмыстық іс сотқа түсті, деп хабарлайды "Адырна" ұлттық порталы.
Енді жәбірленушілердің мүдделерін жаңа заңгерлер тобы қорғайтын болады. Ал бұған дейінгі қорғаушылар – Саида Таукелова мен Айтбек Амангелді іске қатыспайды.
Жәбірленушілердің адвокаты Жандос Палмановтың айтуынша, қылмыстық іс айыптау актісі негізінде Алматы облысының прокуратурасы арқылы сотқа жіберілген.
«Қылмыстық іс айыптау актісі негізінде сотқа жолданды. ҚР Қылмыстық-процестік кодексінің 201-бабына сәйкес, істің басқа мәліметтері жарияланбайды. Дегенмен жаңа қорғаушылар тобы прокуратура арқылы істің көшірмесін сұратып алды», – деді Палманов.
Сот 62 томдық қылмыстық іс материалын қабылдағанын растады.
Шерзат Полаттың отбасын қорғайтын адвокаттар:
Мейрман Шекеев
Алим Мұстафаев
Бекзат Миязов
Жандос Палманов
Багдат Амандосұлы
Нурболат Ибраев
Дина Досаева.
Сот кабинеті деректеріне сәйкес, істің материалдары 26 наурызда түскен. Қылмыстық іс бойынша айыпталушылардың саны – тоғыз.
Бұған дейін іс бойынша 11 айыпталушы бар екені хабарланған болатын.
