Ақорданың баспасөз қызметі Ұлыстың ұлы күні – Наурыз мерекесіне арналған арнайы бейнероликті көпшілік назарына ұсынды, деп хабарлайды "Адырна" ұлттық порталы.
Қазақстан Президенті Қасым-Жомарт Тоқаев елордадағы "EXPO" көрме орталығында өткен Наурыз мерекесіне арналған шараға қатысып, халықпен бірге көктемнің келуін тойлады.
Мемлекет басшысын Наурыз мерекесімен Түркия Президенті Режеп Тайип Ердоған, Ресей Президенті Владимир Путин, ҚХР Төрағасы Си Цзиньпин, Өзбекстан Президенті Шавкат Мирзиёев, Қырғызстан Президенті Садыр Жапаров, Тәжікстан Президенті Эмомали Рахмон, Түрікменстан Президенті Сердар Бердімұхамедов, Әзербайжан Президенті Ильхам Әлиев, Иран Президенті Масуд Пезешкиан, Палестина Президенті Махмұд Аббас, сондай-ақ Татарстан Раисы Рустам Минниханов және басқа да халықаралық ұйымдардың басшылары құттықтады.
Мемлекет басшысы өз кезегінде бірқатар елдің басшыларына Наурыз мейрамына орай құттықтау жеделхаттарын жолдап, ізгі тілектерін білдірді.
