АҚШ президенті Дональд Трамп Білім министрлігін тарату туралы жарлыққа қол қойды. Рәсім 20 наурыз күні оқушылар мен мұғалімдердің қатысуымен Ақ үйде өтті, деп хабарлайды «Адырна» тілшісі BBC-ге сілтеме жасап.
Мемлекет басшысының айтуынша, бұл шешім білім беру бағдарламаларының тиімділігін арттырады.
«Министрлікті тезірек жапқымыз келеді. Оның бізге түк пайдасы жоқ», – деді Трамп.
Ал демократтар Дональд Трамптың ведомствоны тарату туралы шешімін жауапсыз әрекет деп атады.
Жарлық бойынша, білім саласын басқару құзыреті штаттар мен жергілікті уәкілдік органдарға беріледі.
Бұған дейін Трамп министрлік жұмыс істеген 45 жылда білім берудің сапалы үлгісін көрсете алмағанын мәлімдеген еді. Мекемені толығымен жою үшін Конгрестің мақұлдауы қажет.
