Қазақстанның энергетика министрі Алмасадам Сәтқалиев жаңадан құрылатын Ядролық энергетика агенттігінің басшысы болып тағайындалуы мүмкін, деп хабарлайды "Адырна" ұлттық порталы Orda.kz-ке сілтеп.
Сәтқалиевтің орнына "QazaqGaz" ұлттық компаниясының басшысы Санжар Жәркешов Энергетика министрі қызметіне келеді деп болжануда.
Бұл ақпаратты үкіметке жақын БАҚ пен пабликтер таратқан.
Еске салсақ, Мемлекет басшысы Қасым-Жомарт Тоқаев 12 наурызда Қазақстанда Ядролық энергетика агенттігін құру туралы мәлімдеген еді. Жаңа агенттік елдегі атом энергетикасының дамуымен айналысады.
