Ақмола облысында орын алған жол-көлік оқиғасынан әнші әрі асаба Асқар Дүйсенов көз жұмды, деп хабарлайды "Адырна" ұлттық порталы.
28 ақпанда Астана – Петропавл тасжолының 31-ші шақырымында "Газель" мен Volkswagen Polo маркалы көліктері соқтығысып, салдарынан жеңіл автокөлік жүргізушісі, белгілі әнші Асқар Дүйсенов қаза тапқан.
Қайғылы хабарды естіген өнердегі әріптестері мен жақындары марқұмның отбасына көңіл айтуда. Асқар Дүйсеновті ақтық сапарға шығарып салу рәсімі 2 наурыз күні оның туған жері – Солтүстік Қазақстан облысы, Кішкенекөл ауылында өтеді.
Ақмола облыстық Полиция департаменті жол апатына байланысты сотқа дейінгі тергеу басталғанын мәлімдеді.
"Қазіргі уақытта жол апатының мән-жайы анықталуда. Процестік шешім қабылданды", – деп хабарлады ведомство.
