“Ақша жымқырды" деген күдікке ілініп, қазір қамауда отырған кәсіпкер, блогер, Biz Birgemiz Qazaqstan қайырымдылық қорының жетекшісі Перизат Қайратқа қатысты жаңа дерек жарияланды. Бұл туралы Қаржы мониториң агенттігі мәлімдеді, деп хабарлайды “Адырна” ұлттық порталы.
Ақпаратқа сәйкес, ол Ақмола облысында оңалту орталығын салу үшін қайырымдылық аукционын ұйымдастырған.
Осылайша, 2021 жылы 48 млн теңге жинаған. Бірақ аукционнан «22 млн теңге ғана түсті» деп көрсеткен.
Ол қалған ақшаны жеке қажетіне жаратқан көрінеді. Қазір сотқа дейінгі тергеу жалғасып жатыр.
Ең қызығы — орталықтың құрылысы басталмаған. Бірақ ғимарат құжатта «берілді» деп көрсетілген.
