Белгілі қазақстандық әнші Димаш Құдайберген Сыбайлас жемқорлыққа қарсы қызметтің төрағасы Асхат Жұмағалимен кездесті, деп хабарлайды “Адырна” ұлттық порталы.
Кездесу ресми сипатта ғана емес, маңызды тақырып аясында өтті. Тараптар өнердің сыбайлас жемқорлыққа қарсы күрестегі рөлі туралы пікір алмасқаны хабарланды.
“Өнер адамдардың жүрегіне әсер етіп, адалдық пен парасаттылыққа тәрбиелеуге көмектеседі”, – деді Асхат Жұмағали.
Өз кезегінде Димаш Құдайберген сыбайлас жемқорлыққа қарсы бастамаларға қолдау білдіріп, әрдайым әділдік принциптерін ұстанатынын жеткізгені айтылды.
Сонымен қатар, тараптар болашақта бірлескен жобалар ұйымдастыру мүмкіндігін де талқылады.
Бұл бастама қандай форматта жалғасатыны туралы ақпарат жоқ. Бұл әлеуметтік жоба болуы мүмкін. БАҚ-та жемқорлыққа қарсы мағыналы жаңа ән жазылуы мүмкін деген ақпарат тарап жатыр.
