Ресей қауіпсіздік кеңесінің хатшысы Сергей Шойгу Астанаға жұмыс сапарымен келді, деп хабарлайды "Адырна" ұлттық порталы.
ТАСС агенттігінің мәліметінше, сапар барысында Қазақстан мен Ресей қауіпсіздік кеңестері аппараттарының екіжақты консультациялары өтеді. Сондай-ақ, Шойгу Қазақстан қауіпсіздік кеңесінің хатшысы Ғизат Нұрдәулетовпен кездесіп, халықаралық және өңірлік қауіпсіздік, Орталық Азиядағы ахуал, Сирия мен Ауғанстандағы жағдайды талқылайды.
Ресей қауіпсіздік кеңесінің хабарлауынша, Шойгуды Қазақстан президенті Қасым-Жомарт Тоқаев қабылдайды деп күтілуде.
Айта кетейік, былтыр Гаагадағы сот Ресейдің бұрынғы қорғаныс министрі Сергей Шойгуды тұтқындауға санкция берген болатын.
