رەسەي پرەزيدەنتى ۆلاديمير پۋتين اقتاۋ ماڭىندا قۇلاعان Azerbaijan Airlines (AZAL) اۋەكومپانياسىنىڭ جولاۋشى ۇشاعى اپاتىنا بايلانىستى مالىمدەمە جاساۋدى جوسپارلاپ جاتقان جوق. بۇل تۋرالى مەملەكەت باسشىسىنىڭ ءباسپاسوز حاتشىسى دميتري پەسكوۆ ايتتى، دەپ حابارلايدى «ادىرنا» ءتىلشىسى The Moscow Times باسىلىمىنا سىلتەمە جاساپ.
«الداعى ۋاقىتتا اپات تاقىرىبىنا قاتىستى مالىمدەمە جاساۋ جوسپاردا جوق»،—دەپ قىسقا جاۋاپ بەردى ول.
بۇعان دەيىن ازەربايجان پرەزيدەنتى يلحام اليەۆ رەسەيدەن كىناسىن مويىنداۋدى جانە وسى وقيعاعا كىنالىلەردى جازالاۋدى تالاپ ەتكەن ەدى. سونداي-اق باق-تا ەلدىڭ رەسەيدى حالىقارالىق سوتقا بەرۋگە دايىندالىپ جاتقانى تۋرالى اقپارات تاراعان بولاتىن.
ەسكە سالايىق، Embraer ERJ 190-100 جولاۋشى ۇشاعى بىلتىر 25 جەلتوقساندا اقتاۋ قالاسى ماڭىنا قۇلادى. اپات سالدارىنان قازا تاپقان 38 ادامنىڭ التاۋى – قازاقستاننىڭ، 25 ادام – ازەربايجاننىڭ، جەتەۋى - رەسەي ازاماتتارى.
