Президент Шри-Ланка халқын Тәуелсіздік күні мерекесімен құттықтады

523
Adyrna.kz Telegram

Мемлекет басшысы Қасым-Жомарт Тоқаев Шри-Ланка президентіне құттықтау жеделхатын жолдады. Бұл туралы  Ақорданың баспасөз қызметі жариялады, дер хабарлайды “Адырна” ұлттық порталы.

Қасым-Жомарт Тоқаев Анура Кумара Диссанаяке мен оның отандастарын ұлттық мейрамы – Тәуелсіздік күнімен құттықтады.

Президент жеделхатында Шри-Ланканың орнықты даму және халықаралық беделін нығайту жолында айтарлықтай табысқа қол жеткізгенін атап өтті.

«Қазақстан Шри-Ланкамен қарым-қатынасты одан әрі тереңдетуге баса мән береді. Елдеріміз арасындағы дәстүрлі достық пен берік ынтымақтастық болашақта да халықтарымыздың игілігі үшін дами түсетініне кәміл сенемін», – делінген жеделхатта.

Қасым-Жомарт Тоқаев Анура Кумара Диссанаякенің жауапты қызметіне толағай табыс, ал Шри-Ланка халқына құт-береке тіледі.

Пікірлер