Түркия президенті Ердоған Өзбекстан және Әзербайжан министрлерін қабылдады, деп хабарлайды "Адырна" ұлттық порталы.
Түркия президенті Режеп Тайып Ердоған Анкарада Өзбекстан мен Әзербайжан министрлерімен жабық кездесу өткізді.
Кездесуге Әзербайжанның сыртқы істер министрі Джейхун Байрамов, Өзбекстанның сыртқы істер министрі Бахтияр Саидов, Әзербайжанның экономика министрі Микаил Джаббаров, Өзбекстанның инвестициялар, өнеркәсіп және сауда министрі Лазиз Құдратов, Өзбекстанның көлік министрі Ильхам Махкамов және Әзербайжанның цифрлық даму және көлік министрі Рашад Набиев қатысты.
Сондай-ақ, жиында Түркияның сыртқы істер министрі Хакан Фидан, сауда министрі Өмер Болат, көлік және инфрақұрылым министрі Абдулкадир Уралоғлу мен президенттің сыртқы саясат және қауіпсіздік жөніндегі кеңесшісі Акиф Чағатай Кылыч болды.
Кездесу барысында екіжақты және үшжақты ынтымақтастық, сауда, көлік және инвестиция салаларындағы серіктестікті дамыту мәселелері талқыланды.
