Атыраудағы тұрғын үй кешенінің құрылыс алаңында екі жұмысшы бесінші қабаттан құлап, біреуі оқиға орнында мерт болып, екіншісі жарақаттармен ауруханаға жеткізілді, деп хабарлайды “Адырна” ұлттық порталы AtyrauPress басылымына сілтеп.
«Атырауда құрылыс алаңында қайғылы жағдай болды: екі жұмысшы бесінші қабаттан құлап, біреуі мерт болды, екіншісі ауруханада жатыр», - делінген хабарламада.
Атырау облысының полиция департаментінің баспасөз қызметі 20 қаңтарда сағат 11:15 шамасында бұл оқиға болғанын хабарлады. Құлау салдарынан 43 жастағы ер адам мерт болып, оның 33 жастағы әріптесі облыстық ауруханаға жеткізілген.
Оқиға бойынша тергеушілер қылмыстық іс қозғады. Сот-медициналық сараптама тағайындалып, жан-жақты тергеу әрекеттері жүргізілуде.
