Астанада танымал сауда желісінің супермаркеттерінде картопты 5 келіден артық сатпайтын шектеу енгізілді, деп хабарлайды "Адырна" ұлттық порталы Tengrinews.kz порталына сілтеме жасап.
Елорданың супермаркеттерінің бірінде картоп сатылымына байланысты хабарландыру пайда бола бастаған. Онда бір адамға бірінші сортты картопты тек 5 келіден артық сатылмайтыны көрсетілген.
Билік оқиғаға пікір білдірді. Елорданың инвестициялар және кәсіпкерлікті дамыту басқармасы қалада картоп тапшылығы жоқ екенін жеткізді.
"Small және Spar желілерінде өнімді көтерме бағада сатып алуды болдырмау үшін картопты сатуға уақытша шектеу енгізілді. Мұнда бір адамға 5 келіден артық сатылмайды", - деп жауап берді басқарма.
Сондай-ақ, сауда министрлігі елордада, жалпы Қазақстан бойынша картоп тапшылығы жоқ дегенге сенімді.
