Бүгін, таңертең Иранда жойғыш ұшақ апатқа ұшырады. Оқиға елдің бастыс аймағында орын алған, деп хабарлайды "Адырна" ұлттық порталы IRNA ақпарат агенттігіне сілтеме жасап.
Бұл туралы Иран армиясының әскери-әуе күштері ресми хабарлаған.
Ұшқыштар апаттық шығу арқылы шығып үлгеріп, аман қалған.
"22 қаңтарда Иран армиясының әскери-әуе күштеріне тиесілі оқу ұшағы оқу-жаттығу тапсырмасын орындау кезінде Хамадан провинциясында апатқа ұшырады. Ұшақтың екі ұшқышы да дін аман", - делінген әскери-әуе күштерінің хабарламасында.
Хамадан провинциясы губернаторының орынбасары Хамзе Амраи Tasnim агенттігіне әскери ұшақ сәрсенбі күні таңертең Кебудрахенг қаласы маңында оқу-жаттығу ұшуы кезінде апатқа ұшырағанын айтқан.
Кебудрахенг қаласы Хамадан провинциясының орталығынан 60 км солтүстік-батыста орналасқан.
БАҚ мәліметінше, ұшқыштар жеңіл жарақат алып, ауруханаға жеткізілген.
