Қытаймен шекарадағы автомобиль өткізу пункттері 27 қаңтардан 1 ақпанға дейін жұмыс істемейді. Бұл туралы бүгін, 20 қаңтарда Мемлекеттік кірістер комитеті айтты, деп хабарлайды «Адырна» тілшісі.
«ҚХР-да Көктем мерекесіне байланысты 27 қаңтар күні сағат 20:00-ден 1 ақпан күні сағат 08:00-ге дейін Қазақстан-Қытай шекарасындағы автомобиль өткізу пунктерінде тұлғалардың, көлік құралдары мен жүктерді өткізу жүзеге асырылмайды. Ал теміржол өткізу пункттері штаттық режимде жұмысын жалғастырады»,—делінген хабарламада.
Мемлекеттік кірістер комитеті тасымалдаушылардан және барлық шекараны кесіп өтуге ниет білдірушілерді енгізілген шектеулерді ескере отырып, өз бағыттарын алдын ала жоспарлауды сұрады.
