6 қаңтарда вице-президент Камала Харрис төрағалық ететін АҚШ Конгресі Дональд Трамптың президенттік сайлаудағы жеңісін растайды, деп хабарлайды «Адырна» тілшісі.
Өкілдер палатасы мен Сенаттың бірлескен отырысында дауыстардың жалпы саны саналып, куәландырылады.
Шетелдік БАҚ-тың мәліметінше, жиынға қазіргі президент Джо Байден мен АҚШ-тың сайланған президенті Дональд Трамп қатыспайды.
Еске салайық, 4 жыл бұрын сайлау нәтижелерін бекіту рәсімі наразылықтар мен тәртіпсіздіктерге ұласқан еді. 2021 жылы Дональд Трамп жақтастарының тобы Конгреске басып кіріп, АҚШ парламентінің қарашадағы президент сайлауының нәтижесін куәландыруға арналған ортақ отырысын тоқтатып тастаған болатын.
