Самарқандта 23 жастағы белгілі өзбек бьюти-блогер және косметолог Гузаля Махматкулова қайтыс болды. Бойжеткен сегізінші қабаттағы пәтердің терезесінен құлап кеткен, деп хабарлайды "Адырна" ұлттық порталы Gazeta.uz-ға сілтеме жасап.
Қайғылы оқиға 11 желтоқсаннан 12 желтоқсанға қараған түні болған. Оқиға орнына жедел-тергеу тобы барып, тексеру жұмыстарын жүргізді. Куәгерлерден жауап алынып, сот-медициналық сараптама тағайындалды.
Алдын ала мәліметтер бойынша, бас прокуратура бьюти-блогер өз еркімен терезеден секірді деп мәлімдеген. Алайда әлеуметтік желілерде оның күйеуі мен енесінің тарапынан тұрмыстық зорлық-зомбылық көрсетілгені туралы ақпарат тарауда.
Айта кетсек, марқұмның қайын атасы Самарқандтың денсаулық сақтау саласында жоғары лауазым иесі болған.
