Петропавл қаласында белсенді Нұрбол Өнерхан сот шешімімен 15 тәулікке қамауға алынды. Бір күн бұрын полиция оны Солтүстік Қазақстан облысындағы үйінен алып кеткені анықталған, деп хабарлайды "Адырна" ұлттық порталы Азаттыққа сілтеме жасап.
Нұрбол Өнерханға «Бейбіт жиын өткізу тәртібін бұзу» және «Полицияға бағынбау» баптары бойынша айып тағылды. Белсендінің жақтасы Амангелді Жахиннің айтуынша, полиция Нұрбол Өнерханды 20 қарашада Астанада оппозициялық «Алға, Қазақстан» партиясы әділет министрлігіне тіркеу құжаттарын тапсырған күні "заңсыз акция ұйымдастырды" деп айыптаған. Алайда белсенді бұл күні Астанаға бармаған, себебі ол сырқаттанып қалғанын хабарлаған.
Амангелді Жахиннің сөзінше, полиция Нұрбол Өнерханды жауапқа тарту үшін сәуір айында болған жағдайды негізге алған. Сотқа дейін белсендінің телефоны өшірулі болды, ал оның жағдайы туралы қосымша ақпарат берілген жоқ.
Құқық қорғаушы Бақытжан Төреғожиннің мәлімдемесіне сәйкес, Қазақстанда 16 желтоқсан – Тәуелсіздік күні мен 4-5 қаңтар күнгі Қаңтар оқиғалары қарсаңында белсенділерге қарсы «профилактикалық әңгімелер» жүргізу үшін қамау және ұстау әрекеттері жиілеп келеді.
Ал полиция белсенділердің ұсталуы мен сот шешімі туралы түсініктеме беруден бас тартты.
