Украина президенті Владимир Зеленский Грузия үкіметінің өкілдеріне, оның ішінде ел премьер-министрі Ираклий Кобахидзе мен "Грузия арманы" партиясының жетекшісі Бидзина Иванишвилиге санкциялар енгізді, деп хабарлайды "Адырна" ұлттық порталы.
Бұл туралы ол 5 желтоқсан күні өз Telegram-арнасында хабарлады.
Санкциялар Грузияда парламенттік сайлау нәтижелерінің болжамды бұрмалануына қарсы наразылық акцияларын күшпен таратуға қатысы бар лауазымды тұлғаларға бағытталған.
Зеленскийдің айтуынша, санкциялар "Грузияны Путинге беріп жатқан" үкіметтің бір бөлігіне қарсы қабылданған шара болып табылады.
"Бұл аймақта Грузияны да, Молдованы да, Украинаны да жоғалтуға болмайды. Мәскеуге қарсы бірге қорғануымыз керек", – деп атап өтті ол өз мәлімдемесінде.
