Батыс Қазақстан облысының әкімі Нариман Төреғалиев Астанада өткен баспасөз мәслихатында БАҚ өкілдерінің тас жолға қатысты сұрағына жауап берді, деп хабарлайды “Адырна” ұлттық порталы.
Журналистер әкімнен «Бөкей ордасы мен Жәнібек ауданы апаратын жол көптен бері жыр болып жүр. Салынып жатқан тас жолдың қаншасы аяқталды және қанша шақырымы қалды?» деп сұрады.
«Бүгінгі күні Бөкей ордасы мен Жәнібек ауданына жол салынып болды. Қазір республикалық бюдеттен қаржы бөлініп, Бөкей ордасы ауданының Сайқын ауылының тұсынан Хан ордасына дейінгі 21 шақырым жолды жөндеу жұмыстары жүріп жатыр. Биылғы жылдың аяғына дейін 21 шақырым жол аяқталатын болады. Ал аудан орталықтары Казталовка, Бөкей ордасы және Жәнібек ауданы облыс орталықтарымен тікелей байланыстырылды яғни жол жетті», – деді облыс әкімі.
