Қашаған мұнай-газ кен орны толық қуатпен жұмыс істеуге көшті. Бұл туралы Энергетика министрлігінің баспасөз қызметі жазды, деп хабарлайды «Адырна» тілшісі.
«Қашағанда жаңа кіріс газ сепараторын қосу және пайдалануға беру бойынша жөндеу жұмыстары өндірісті толық тоқтата отырып, 2024 жылғы 7-28 қазан аралығында жүргізілді. Жөндеуден кейінгі деңгейге кезең-кезеңімен шығу жоспарланып отыр. 1 қарашадағы жағдай бойынша өндіріс 80%-ға қалпына келтірілді»,—делінген хабарламада.
Ресми ақпаратқа сүйенсек, енді кен орнында күн сайын 51 мың тонна көмірсутек өндірілетін болады.
Бұған дейін министрлік Қашаған газы ішкі нарыққа жіберілетінін хабарлаған болатын.
