Каспий теңізі жағалауында қаза тапқан итбалықтардың саны артуда, деп хабарлайды "Адырна" ұлттық порталы.
24-29 қазан аралығында Жайық-Каспий аралық бассейндік балық шаруашылығы инспекциясының қызметкерлері Гидробиология және экология институтының өкілдерімен бірге Каспий теңізі жағалауында жүргізілген мониторинг барысында 289 итбалықтың өлексесін анықтады.
Маңғыстау облыстық балық шаруашылығы инспекциясының басшысы міндетін атқарушы Андрей Руцкийдің айтуынша, жағалау аймағындағы мониторинг жалғасуда. Онда жергілікті атқарушы органдар мен Гидробиология және экология институтының, Qazaq balyk республикалық балық шаруашылығы және аквамәдениет қауымдастығы филиалының өкілдері жұмыс істеуде. Оның айтуынша, итбалықтардың өлу себептері тиісті зертханалық зерттеулер жүргізілгеннен кейін белгілі болады.
