Республикалық экологиялық «Таза Қазақстан» науқаны шеңберінде Павлодар жолшылары бірнеше нысанды тазалап, абаттандыру жұмыстарын жүргізді.
Ел бойынша өткен игі бастамаға «Жол активтері сапасының ұлттық орталығы» Павлодар облыстық филиалының қызметкерлері де үн қосып, қаладағы халық әншісі, композитор Майра Уәлиқызы Шамсутдинованың ескерткіші айналасында сенбілік өткізді.
Сонымен қатар, Жол активтері ұлттық сапа орталығы Павлодар филиал қызметкерлері Казавтожол мамандарынмен бірлесіп республикалық маңызы бар автожолдарда жүргізушілерге экопакеттер таратты.
Шараның негізгі мақсаты - жүргізушілер мен жолаушыларды тазалықты сақтауға және жолға қоқыс тастамауға шақыру. Таратылған экопакеттер қоқысты жинауға арналған. Оларды жол бойындағы арнайы жабдықталған жерлерге тастауға болады.
Жолшылардың "Таза Қазақстан" акциясына қатысуы автомобиль жолдары бойындағы экологиялық жағдайды жақсартуға ғана емес, сонымен қатар жол қозғалысына қатысушылар арасында экологиялық мәдениетті қалыптастыруға бағытталған.
