Белгілі сазгер, ақын Құрманай Бақтиярқызы өмірден өтті. Қаралы хабарды бүгін, 28 қазанда өнер иесінің балалары жеткізді, деп хабарлайды «Адырна» тілшісі.
«Анашым Раббысына қайтты. Дұғада болыңыздар. Артында дұға арнайтын үлкені Ханшайым, Толғанай, кенжесі Сұңқар, жақсы көретін қазақ елі бар. Анамызға деген махаббаттарыңызға рақмет»,—деді олар.
Наурыз айында сазгер өзіне тағы да күрделі ота жасалғанын айтқан еді.
«Алланың құдіретінің шексіздігіне айқын көз жеткізген сынақ болды. 99/1 пайыз соңғы үмітпен жетінші рет ота жасалды»,—деп жазды ол.
Эстрада жұлдыздарына хит әндерді жазып беріп жүрген түркістандық сазгердің артында екі қызы мен ұлы қалды.
