Ресейдің Қазан қаласында Абай мүсіні пайда болады, деп деп хабарлайды «Адырна» тілшісі Kazanfirst порталына сілтеме жасап.
Басылымның мәліметінше, ашылу салтанаты 24 қазанға жоспарланып отыр.
«Қазанда өтетін БРИКС саммиті кезінде Назарбаев көшесіндегі алаңда қазақтың ұлы ақыны Абай Құнанбаевқа арналған ескерткіш ашылады. Ол қазірдің өзінде орнатылған, бірақ әзірге ораулы тұр. Ашылу салтанаты 24 қазанға жоспарланған және қазақстандық тараппен бірлесіп өтеді»,—делінген хабарламада.
Айта кетейік, 10 қазан күні Түрікменстан астанасы Ашхабадта президент Қасым-Жомарт Тоқаевтың қатысуымен Абай ескерткіші ашылған болатын. Қазіргі таңда әлемнің түкпір-түкпірінде ұлы ақынның құрметіне қойылған ескерткіштер бар.
