Қорғаныс министрлігі «Запастағы офицерлерді әскери қызметке шақыру туралы» үкімет қаулысын дайындады, деп хабарлайды «Адырна» тілшісі.
2025 жылы запастағы 915 офицер әскери қызметке шақырылады. Олар 24 ай бойы Қарулы күштерде, Ұлттық қауіпсіздік комитетінің Шекара қызметінде, Ішкі істер министрлігінің Ұлттық ұланында және Төтенше жағдайлар министрлігінде қызмет етеді.
Запастағы офицерлерді шақыру әскери дайындалған резервті жинақтау және офицерлер құрамының бос лауазымдарын толықтыру мақсатында іске асырылады.
Үкімет қаулысы жобасы 21 қазанға дейін «Ашық НҚА» сайтында қоғамдық талқыға ұсынылған.
