Шекараны демаркациялау жөніндегі Қазақстан-Ресей бірлескен комиссиясының кезекті, 142-ші отырысы өтті, деп хабарлайды "Адырна" ұлттық порталы.
4 қазан күні кездесу барысында тараптар Қазақстан мен Ресей арасындағы шекараның жекелеген учаскелерін белгілеуге қатысты құжаттардың жобаларын мақұлдады.
Сонымен қатар, мемлекеттік шекара сызығын белгілеуге қатысты мәселелер талқыланып, биылғы жылғы дала жұмыстарының қорытындысы шығарылды.
Ендігі кездесу 2024 жылдың қазан-қараша айларында Қазақстанда өтеді.
Айта кетейік, 26 тамыз күні Ресей мен Қазақстан кейбір аймақтардағы шекараны бекіту мәселесін талқыланған болатын.
