19-23 тамызда Алматыда өткен комиссияның кезекті 141-ші отырысында бірлескен демаркациялық комиссия 2025 жылға арналған жұмыс жоспарын талқылады, деп хабарлайды "Адырна" ұлттық порталы Orda.kz-ке сілтеп.
Сыртқы істер министрлігі отырыс аясында Ресей мен Қазақстанның әртүрлі учаскелерінде мемлекеттік шекара сызығын белгілеуге қатысты мәселелерді талқылағанын хабарлады.
«Тараптар Қазақстан-Ресей мемлекеттік шекарасын демаркациялау бойынша қорытынды құжаттардың жобаларын дайындау және бекіту бойынша жұмысты жалғастырды, оның әртүрлі учаскелерінде мемлекеттік шекара сызығын белгілеуге қатысты мәселелер кешенін талқылады», - делінген хабарламада.
Енді комиссияның келесі отырысы 2024 жылдың қыркүйек-қазан айларында Ресейде өтпек.
