Қарағанды қаласының экс-әкімі Шаймерден Оразалиновтың ұлы 78 жастағы анасын аяусыз ұрғаны үшін сотталды. Бұл туралы Қазыбек би аудандық сотының баспасөз қызметі айтты, деп хабарлайды «Адырна» тілшісі.
Сотқа дейінгі тергеп-тексеру органдары ер адамды 1946 жылы туған анасының денесін әдейі жарақаттап, денсаулығына орташа ауырлықтағы зиян келтіргені үшін және дәрменсіз күйде қалдырғаны үшін Қылмыстық кодекстің 107-бабы 2-бөлігі 3-тармағы бойынша айып тақты.
Ер адам кейуанамен жалжалдасып, оның басынан, денесінен ұрып тепкен. Салдарынан әйелдің миы шайқалып, беті жарақаттанған. Сондай-ақ қабырғалары мен омыртқасы сынған.
Әбіл Оразалиновтің кінәсі жәбірленушінің, куәгерлердің (көршілердің) айғақтарымен, сараптамалардың қорытындыларымен және істің басқа материалдарымен дәлелденді.
Сот оны 3 жылға соттап, жазасын қауіпсіздігі орташа мекемеде өтеуге үкім шығарды. Сонымен қатар сотталушыдан 1 млн теңге көлемінде моральдық зиян сомасы, сондай-ақ адвокаттарға төленген шығындар өндірілді.
