Астанада тез тамақтану орнында жарылыс болып, өрт шықты, деп хабарлайды "Адырна" тілшісі.
ТЖМ баспасөз қызметінің мәліметінше, оқиғаның видеосы әлеуметтік желілерде тараған.
"Елорданың Алматы ауданындағы Құдайбердіұлы даңғылында орналасқан дөнер цехында газ-ауа қоспасы жарылыс тудырып, содан кейін өрт шықты", - делінген Төтенше жағдайлар министрлігінің хабарламасында.
Дөнер сататын дүкенде болған жарылыс салдарынан өрт жақын маңдағы көкөніс сататын дүңгіршекке өтіп, көлікті зақымдаған.
