“Адырна” ұлттық порталының YouTube арнасындағы “Таразы бағдарламасына «балықбегі» аталып кеткен ихтиолог, балық өсіруші Мейрамбек Пазылбеков келді.
Ол өз саласының түйткілдерін ортаға салып, мәселені реттеу жайлы ұсыныстарымен бөлісті. Сұхбатта балық шаруашылығын дамыту үшін қолға алынып жатқан бағдарламалар мен оның болашағы жайында айтылды.
Сұхбат беруші Қазақстандағы балық шаруашылығын көрші елдер тәжірибесімен шендестіріп, салыстырады. «Әрбір балық - жеке табиғи ресурс» деп есептейді ол.
Мейрамбек Пазылбеков айтулы су айдындарына ие Қазақстанның шетелдік балық өнімдеріне тәуелділігін сынайды. Айтуынша, Қазақстандағы балық тұқымы тозып барады. Бұл саладағы белсенділіктің төмендігі және мемлекет қолдауының жетімсіздігі саланың дамуына кедергі келтіріп отыр.
«Мемлекет балық жемін арзандатса, балық бағасын да түсіруге болады» дейді ол.
