Айгүл ОРЫНБЕК: Билік соңына дейін Арыстықтармен бірге бола ала ма?!

2516
Adyrna.kz Telegram

Қорғаныс министрі Ермекбаев мырза!

Арыстың жағдайы әлі дұрыс емес!
Арыс халқы осындай әбігерге түсіп әбіржуі, жауапсыз басшы дайындығы жоқ қызметкерлердің кесірінде болып отыр. Қәзіргі таңда жұмысшылар жетіспей жатыр. Көшелер қоқысқа толы, үйлердің кейбірі уақытысында салып бітпеген. Үйлеріңді өздерің тазалаңдар деген, ер азаматтары жоқ көп балалы әйелдер ауыр шпал, тақтайларды қалай тазалайды? Бір кірпіш көтеріп көмек берседе сарбаздарды алдыртыңыз! Халық сандалып, журналистер мен біз сияқты қоғам белсенділерінен көмек сұрауда.
Қәзіргі таңда әскерде қаншама сарбаз отан алдында өз міндеттерін өтеуде. Қәзіргі таңда соғыс жоқ, тыныш заман. Сол сарбаздар әскерде өз уақыттарын жүгірумен атқарып жатқан болар. Отан алдындағы борышын Арысқа көмек беріп, жұмыс қол күші жетпей жатқанда, осында бір, екі әскери бөлімдердің сарбаздарын әкелуге болмайды ма?
Мың сарбаз әкел деп айтпаймын, 200 сарбаз әкелсеңіз осындағы біраз қара жұмыстарды бітері анық!
Қорғаныс қызметінің салғырттығын неге әкімдіктегілер және қарапайым халық шешу керек?
Салғырттық пен жауапкершіліксіз іс сіздерден болды ма? Соңына дейін халықпен болыңыздар!

 

Айгүл ОРЫНБЕК

"Адырна" ұлттық порталы

Пікірлер