Өзбекстанда әл-Фарабиге тиесілі болуы мүмкін трактат табылғаны айтылды

637
Adyrna.kz Telegram
Фото: t.me/namvilhok
Фото: t.me/namvilhok

Өзбекстанның Наманган облысында әлемнің екінші ұстазы, ғұлама ғалым Әбу Насыр әл-Фарабидің кітабы табылды. Бұл туралы облыс әкімдігі мәлімдеді, деп хабарлайды “Адырна” ұлттық порталы.

Әкімдіктің мәліметінше, онда табылған кітаптан бөлек XI–XIV ғасырға тән көне қылыштар да бар.


«Сирек кездесетін үш кітапта ғылым, философия және тарихқа қатысты бірегей білім жазылған» делінген хабарламада.

Сонымен қатар, Ахсикент археологиялық саябағының құрамындағы Жаңа Ахси кешеніндегі баға жетпес жәдігерлер саны онға көбейіп, коллекция 475-600 жылдарға тәне Бактрия монетасы мен XIX ғасырда мөрленген Қытай монетасымен толыққан.


«Мамандар XI ғасырға тиесілі деп бағалаған қылыш ұрыс жағдайында сақталған. Оны Аксикенттің ұсталары қатты болаттан жасаған. Әлемдік болат орталығы ретінде танылған Аксикент жұмсақ және қатты болатпен танымал. Оның қалай жасалатыны әлі күнге дейін жұмбақ. Екінші қару XIV ғасырға жатады және оны Әмір Темірдің арнайы сарбаздары қолданған» дейді ведомстводан.

Пікірлер