Бүгін - елімізде Ұлттық домбыра күні, деп хабарлайды "Адырна" ұлттық порталы.
Атаулы дата 2018 жылдың 13 маусымында қабылданған. Қоғамды ұлттық мәдениет пен бірегейлікті сақтау мен қайта жаңғырту идеясының төңірегінде одан әрі топтастыру мақсатында шілденің бірінші жексенбісі Ұлттық домбыра күні ретінде белгіленіп, содан бері демалыс күні мереке тойлануда.
Домбыра жер бетінде кеңінен тараған шертпелі аспаптардың бірі. Зерттеулер бойынша қос ішекті аспап Х ғасырдан бастап қолданыста болған деп болжанады.
Жыл сайын домбыра күні қарсаңында еліміздің түкпір-түкпірінен мыңдаған балалар күй ойнап, мерекелік көңіл-күй сыйлайды.
Ұлттық домбыра күні елімізде биыл жетінші рет атап өтіледі.
