Атыраулық тұрғынға желідегі сурет үшін 129 мың теңге айыппұл салынды, деп хабарлайды "Адырна" ұлттық порталы Атырау облыстық сотына сілтеме жасап.
Облыстық Әкімшілік құқық бұзушылық істері жөніндегі соты "Діни қызмет және діни бірлестіктер туралы заңнаманы бұзу" бойынша әйел адамның ісін қарады.
Атырау тұрғыны "ВКонтакте" әлеуметтік желісіндегі жеке парақшасында діни мазмұндағы суретті көпшілікке жариялап жіберген. Кейіннен оның аталған бапты бұзғаны анықталып, айыппұл салынған.
"А-ның кінәсі сот отырысында зерттелген іс материалдары, әкімшілік құқық бұзушылық туралы хаттама, сарапшының қорытындысы, әңгімелесу хаттамасымен расталды", - делінген сот хабарламасында.
Әйелге 129 мың 220 теңге айыппұл салынды.
