“Зорлық белгілері бар”. Ақтөбеде көлігін сатуға шыққан әйелдің денесі табылды

1394
Adyrna.kz Telegram

Ақтөбе облысының полиция департаменті облыс орталығын дүрліктірген ақтөбелік тұрғынды өлтіру ісінің ашылғанын хабарлады, - деп хабарлайды “Адырна” ұлттық порталы. 

9 маусым күні 55 жастағы әйел көлігін сату үшін көлік базарына шығып, жоғалып кеткен. Жоғалған әйелдің туыстары полицияға хабарласқан.

«Осы өтініш бойынша жеке құрам дереу хабардар етіліп, қылмыс белгілерінің болуына байланысты Қылмыстық кодекстің 99 және 192-баптары – кісі өлтірумен байланысты тонау бойынша сотқа дейінгі тергеу амалдары тіркелді», - деп хабарлады облыстық полиция.

Полицейлер күдіктіні кідіріссіз анықтай алды. Оның тұрғылықты жеріндегі гараждан ұрланған көлік табылды. Ол ұсталып, уақытша ұстау изоляторына қамалды.

Тәртіп сақшылары да қала сыртындағы аумақты таразылап, зорлықпен өлім белгілері бар әйелдің денесін тапты.

«Аталған іс бойынша сараптама тағайындалды, тергеу амалдары жүргізілуде», - деп хабарлады Ақтөбе облыстық полиция департаменті.

Тергеу барысы полиция бөлімшесінің бастығының бақылауында.

Пікірлер