12 маусымда Ұлттық қауіпсіздік комитетінің төрағасы Ермек Сағымбаевтың басшылығымен терроризмге қарсы орталықтың кезекті отырысы өтті, деп хабарлайды «Адырна» тілшісі.
Жиында шетелдік радикалдардың ену қаупін жою, экстремизм мен терроризмнің алдын алу, сондай-ақ осал объектілерді терроризмге қарсы қорғау мәселелері қаралды.
ҰҚК жыл басынан бастап Қазақстанда 1 террорлық шабуылдың алдын алып, 26 адам террористік және экстремистік қызметі үшін сотталғанын атап өтті.
«Экстремизм мен терроризмге қатысы бар 151 шетелдік азаматтың елге кіруіне жол берілмеді. Республикаға тыйым салынған діни әдебиеттерді әкелгені үшін 19 шетелдік жауапқа тартылды. Сондай-ақ 356 терроризмге қарсы оқу іс-шаралары өткізілді»,—деді Ұлттық қауіпсіздік комитеті.
