Бүгін Көкшетау қаласында Ақмола облысының әкімі Марат Ахметжановтың шақыруымен еліміздің үздік дәрігерлері келді. Олардың қатарында Ұлттық Ғылым Академиясының академигі, ҚР Мемлекеттік сыйлығының лауреаты, Қазақстанның Еңбек Ері, «Ұлттық нейрохирургия орталығы» АҚ Басқарма төрағасы, еліміздің бас штаттан тыс нейрохирургы Серік Ақшолақов, ҚР Еңбек сіңірген қайраткері, Халықаралық Гепатолог-хирургтар қауымдастығының мүшесі Серік Тоқпанов, Клиникалық және іргелі медицина ғылым академиясының академигі, «Астана» медицина университетінің онкология кафедрасының меңгерушісі Абай Мақышев, жоғары санатты хирург-дәрігер, Сызғанов атындағы хирургия ғылыми орталығының бөлімше меңгерушісі Мақсат Досханов және өзге де танымал дәрігерлер бар.
Олар Ақмола облыстық көпсалалы ауруханасының базасында порталдарда тұрған және стационарларда емделіп жатқан өңірдің 240-тан астам тұрғынына консультация берсе, 4 науқасқа күрделі ота жасады. Дәрігерлер тобы нейрохирургия, онкологиялық және хирургиялық аурулар және жалпы медицина мәселелері бойынша 50-ге жуық консультация өткізді.
Марат Ахметжанов бүгінгі кездесу облыс тұрғындарына, оның ішінде су тасқынынан зардап шеккендерге медициналық көмек көрсету шеңберінде өткізілетін облыс үшін өте маңызды екенін атап өтті.
«Мемлекет басшысы Қасым-Жомарт Тоқаев су тасқынынан кейінгі кезеңде медицина саласына, халыққа медициналық көмек көрсету сапасына ерекше назар аударып отыр. Қазір халыққа медициналық көмек көрсету сапасына көңіл бөлу өте маңызды. Бүгін облыс тұрғындарының атынан біздің бастамамызды қолдағаныңызға және Ақмола облысында шеберлік сыныптары мен консультациялар өткізуге уақыт бөліп келгендеріңіз үшін алғыс білдіргім келеді. Өз ісінің кәсіби шеберлерінің біздің облысымызда жиналуы сирек кездесетін жағдай. Диагностика және емдеудің заманауи тәсілдері бойынша тәжірибе алмасу облысымыздың денсаулығын одан әрі дамыту үшін қуатты ынталандыру болатынына сенімдімін. Еліміздің жетекші медициналық орталықтарымен ынтымақтастықты жалғастыруды жоспарлап отырмыз, мұны біздің облысымыздағы қамқорлықтың бір түрі деп санаймыз», - деп атап өтті облыс әкімі.
Кездесуде «Қазақстанның Алтын скальпелі» атағының екі мәрте иегері Серік Тоқпанов жылы шырайлы қарсы алған облыс басшысына алғысын айтып, ақмолалық әріптестерімен тәжірибе алмасуға дайын екендігін атап өтті.
«Ақмола облысында хирургия жақсы дамыған. Біз тек қана өз саламыз бойынша енгізілген өзгерістермен және жаңалықтармен бөліскіміз келеді. Бүгін жергілікті хирургтармен бірлесіп, ота жасадық. Әрине, отаның барлық әдісін бір рет көргеннен игеріп кету қиын. Ол үшін бірлескен оталарды бірнеше рет жасау қажет. Ақмолалық әріптестерімізмен осы бағытта шеберлік алмасуға дайынбыз» - деді Серік Тоқпанов.
Кездесу қорытындысы бойынша тараптар медициналық орталықтармен және оқу орындарымен оқыту бойынша меморандум жасасу, сондай - ақ, облыстың денсаулық сақтау ұйымдарында одан әрі жұмысқа орналаса отырып, жастарды тарту, өңірдің медицина қызметкерлері үшін әдіснамалық көмек көрсету туралы ұсыныс енгізді.
