Қырғызстанның Созақ ауданындағы 29 оқушыны қағып кеткен жүк көлігінің жүргізушісі ұсталды. Бұл туралы елдің Ішкі істер министрлігі айтты, деп хабарлайды «Адырна» тілшісі.
Күдіктінің 48 жастағы жергілікті тұрғын екені анықталды. Ер адам көлігін тұраққа қойған, алайда оның қозғалтқышын өшірмеген. Салдарынан «Портер» жүк көлігі ылдиға қарай құлдилап, балаларды қағып кеткен.
Денсаулық сақтау министрлігі зардап шеккендер санының 25-тен 32-ге дейін өскенін мәлімдеді. Олардың арасында бір мұғалім бар. Ауруханадағы 9 баланың төртеуі жансақтау бөлімінде жатыр, жағдайы ауыр.
Айта кетейік, оқыс оқиға 2 мамыр күні Жалалабад облысында болған еді. Қазіргі таңда бұл істі Ұлттық қауіпсіздік мемлекеттік комитетінің басшысы Қамшыбек Ташиев пен ІІМ басшысының орынбасары Октябрь Урманбетов бақылауға алды.
