Бишімбаевтың ісі бойынша жарыссөз кейінге шегерілді

670
Adyrna.kz Telegram
Фото: dzen.ru
Фото: dzen.ru

Аса қатыгездікпен әйелі Салтанат Нүкенованы өлтірді деп айыпталған экс-министр Қуандық Бишімбаевқа қатысты қылмыстық іс бойынша жарыссөз сағат 14.30-ға шегерілді, деп хабарлайды “Адырна” ұлттық порталы.

“Сотталушылар Қуандық Бишімбаев пен оның туысы Бақытжан Байжанов конвой қызметінде мәселе туындауына байланысты сотқа жеткізілмеді”, деп түсіндірді судья Айжан Құлбаева.

Сондықтан іс бойынша жарыссөз түстен кейін жалғасады.

Сот отырысына төрағалық етіп жатқан судья Айжан Құлбаеваның айтуынша, жарыссөз 29 және 30 сәуірде, 2 және 3 мамырда өтеді, қажет болған жағдайда 4 мамырда жалғасады.

Айта кетері, Қуандық Бишімбаевқа екі бап бойынша айып тағылды: аса қатыгездікпен кісі өлтіру (15 жылдан 20 жылға дейін немесе өмір бойына бас бостандығынан айыру); қинау (4 жылдан 7 жылға дейін бас бостандығын шектеу немесе осы мерзімге бас бостандығынан айыру).

Пікірлер